PayDay Tizimi

Maxfiylik Siyosati (Privacy Policy)

Kuchga kirish sanasi: 2026-yil 1-yanvar

Ushbu Maxfiylik siyosati PayDay mobil ilovasi va veb-platformasi (bundan keyin "Ilova") foydalanuvchilarining shaxsiy ma'lumotlarini to'plash, ulardan foydalanish va himoya qilish tartibini belgilaydi.

1. To'planadigan ma'lumotlar

Ilovadan foydalanish jarayonida xizmat sifatini ta'minlash maqsadida quyidagi ma'lumotlar to'planishi mumkin:

• Foydalanuvchi ma'lumotlari: F.I.SH, email manzili, telefon raqami, lavozimi va korxona/filial biriktirilishi.
• Davomat va Ish vaqti: Ishga kelish/ketish vaqti, ishlangan soatlar va Hikvision biometrik terminallaridan uzatilgan qaydnomalar.
• Kamera va Rasmlar: Xodim profil rasmini o'rnatish yoki yuz orqali autentifikatsiya qilish uchun foydalanuvchi roziligi bilan kameradan olingan fotosuratlar.
• Telefondan keldi-ketdi (xodimlar uchun): xodim ilovadan "Keldim/Ketdim" bosganda o'sha paytdagi joylashuv (GPS koordinatalari va aniqligi) hamda o'sha zahoti olingan selfi serverga yuboriladi. Joylashuv faqat shu tugma bosilganda, ilova ochiq turganda aniqlanadi; fonda kuzatilmaydi. Selfi xodimning profil rasmi bilan telefonning o'zida solishtiriladi (yuz modeli qurilmada ishlaydi, yuz tasviri uchinchi shaxslarga yuborilmaydi); selfi davomat isboti sifatida korxona arxivida saqlanadi.
• Filial joylashuvi (rahbarlar uchun): filial nuqtasini "Shu yer" tugmasi bilan belgilaganda telefonning joriy joylashuvi bir marta olinadi.
• Biometrik Ma'lumotlar: Qurilmadagi Biometriya (Fingerprint / Face ID) faqat ilovaga tezkor kirish uchun mahalliy (lokal) tarzda ishlatiladi va tashqi serverlarga uzatilmaydi.

2. Ma'lumotlardan foydalanish maqsadi

To'plangan ma'lumotlar faqat quyidagi maqsadlarda ishlatiladi:

• Xodimlarning ish vaqti va davomatini to'g'ri hisobga olish;
• Oylik maosh va jarimalarni aniq hisob-kitob qilish;
• Korxona filiallari va xodimlarni boshqarish;
• Tizim xavfsizligini ta'minlash va ruxsatsiz kirishlarning oldini olish.

3. Ma'lumotlarni saqlash va xavfsizlik

Barcha ma'lumotlar SSL/TLS shifrlash protokollari orqali himoyalangan va xavfsiz serverlarda saqlanadi. Biz foydalanuvchilarning shaxsiy ma'lumotlarini uchinchi shaxslarga sotmaymiz yoki noqonuniy tarqatmaymiz.

4. Ruxsatnomalar (Permissions)

• CAMERA (Kamera): Xodimning fotosuratini va keldi-ketdi selfisini olish uchun.
• ACCESS_FINE_LOCATION / ACCESS_COARSE_LOCATION (Joylashuv): Xodim filial radiusi ichida ekanini keldi-ketdi paytida tekshirish va filial nuqtasini belgilash uchun. Faqat ilova ochiq bo'lganda ishlatiladi.
• USE_BIOMETRIC (Biometriya): Ilovaga xavfsiz va tezkor kirish uchun.
• INTERNET: Server bilan ma'lumotlarni xavfsiz sinxronizatsiya qilish uchun.

5. Saqlash muddati

Davomat rasmlari korxona tarifidagi "Foto arxiv muddati" (30–365 kun) o'tgach avtomatik o'chiriladi. Davomat yozuvlari va oylik hisob-kitoblari korxona hisobi faol bo'lgan davrda saqlanadi.

6. Hisobni va ma'lumotlarni o'chirish

Korxona egasi o'z hisobini istalgan vaqtda veb-panelda (panel.payday.uz → Sozlamalar → Profil → Hisobni o'chirish, parol bilan tasdiqlanadi) o'chirishi mumkin. Hisob o'chirilganda foydalanuvchi ma'lumotlari va firmalarga kirish huquqlari o'chiriladi. Xodim ma'lumotlarini (rasmlar, davomat) korxona rahbari panelda o'chiradi. Shuningdek, support@payday.uz manziliga yozib hisob va ma'lumotlarni o'chirishni so'rashingiz mumkin; so'rov 30 kun ichida bajariladi.

7. Bog'lanish

Maxfiylik siyosati bo'yicha savollaringiz bo'lsa, biz bilan bog'lanishingiz mumkin:

Email: support@payday.uz | Veb-sayt: https://panel.payday.uz